قصيدة حب هع هع

وفتاة كنت امشي خلفها

كل ما اكح تكلي وجعِ

فتقربت منها كي اسئلها

شنو هل الايام الكح انمنع

يا فتاة ما كان قصدي حرشتا

لاكن بيه كحه ومنها كلبي انشلع

ابتعد عني قالت يافتى

ولا تلاحقني وانخلع

لي اخوه خمسه لو علموا

من بعد ذبحك يسونك قطع

فبينت لها اني لا اخاف

وكلتلها اعرف هل دوالغ والخدع

ياهل ترى تسمحين لي بالغرام

مو نهر شوكي عليك من كلبي نبع

تقدمت خطوه ثم انحنت

او ما دريت اللي بيدها شنهو اللمع؟

بوري وما كان علي بهي

وما حسيته الا براسي انركع

فغبت عن وعيي وكانت حالتي

مثل الطلي وجن بيه صرع

فصعبت عليها حالي وبكت

وحطت اكلينس على الدم وانقطع

وراحت ترميني باللوم

مو كلتلك جوز شوكك ما نفع

اضربيني ثانيتا قلت لها

حتى تحتارين بيه ويزيد الولع

ابتسمت وقالت هسه يله

شوكك ابكلبي انطبع

فسرنا كطفلين معا

واحد راح للسوك والثاني رجع

فتعجبت من هذا اللقاء

مو قصة حب فلم هندي طلع




هع هع هع
انشالله تعجبكم

ههههههههههههههههههههههههههههههههههههههه بصرررحة جدا جدا جدا حلوة بس اريد اسالك دكتور رورو مين جيب هذه الاشياااء صدك عااشت ايدك ووكلش حللوووه